Мэдээ

Тендерт оролцогч нарт

         Төрийн өмчийн бодлого, зохицуулалтын газрын мэдээлэл, технологийн албанаас төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийг  2019 оны 03 дугаар сарын 22-ны өдрийн хуулиар өөрчлөн найруулсантай холбогдуулан худалдан авах ажиллагааны цахим системд дараах өөрчлөлтийг оруулахаар ажиллаж байна.

Үүнд:

            Оролцогч гомдол гаргах: 

Тендерт оролцогч нь гомдлыг цахим системээр дамжуулан тендер нээхээс өмнө захиалагч болон Шударга өрсөлдөөн хэрэглэгчийн төлөө газарт, нээсний дараа сангийн яаманд гомдол гаргах боломж бүрдүүлнэ.

Оролцогч лавлагаа шалгах:

Тендерт оролцогч нь тендерийн баримт бичиг илгээхийн өмнө

• Хуулийн этгээдийн лавлагаа,
• Татварын лавлагаа,
•  Санхүүгийн тайлан гэсэн 3 төрлийн лавлагааг дуудаж хянан үзсэний дараа илгээх боломж бүрдүүлнэ.             

             Тендерийн баримт бичиг илгээх:

Оролцогч олон багцтай тендерт оролцож буй тохиолдолд багц тус бүрд тендер илгээхгүйгээр нэг удаа нэгтгэл тендерийн баримт бичгийг хавсаргаж зөвхөн оролцож буй багцыг сонгоно.

Тендерт оролцогч тендерийн баримт бичгийг  нууц болон нууц биш гэсэн төрөлд ангилж илгээнэ.

Ингэснээр Захиалагч тендерийн үр дүнг оруулж нийтэлсний дараа оролцогч нар нууц биш гэсэн ангилалд хамрагдах тендерийн баримт бичгийг зөвхөн 5 хоногт олон нийтэд харах боломж бүрдүүлнэ.

Мэдээлэл технологийн алба

2019 оны 08 сарын 23