Хийн цохилуурт алх, төрөл бүрийн сэлбэг

Захиалагчийн шийдвэр гаргах хугацааг сунгах тухай

“Эрдэнэт үйлдвэр” ТӨҮГ-аас зарласан “Хийн цохилуурт алх, төрөл бүрийн сэлбэг” нийлүүлэгчийг сонгон шалгаруулах ЭҮТӨҮГ/20250102377 дугаартай тендер шалгаруулалтад оролцсон “И И Эс” ХХК-иас Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 59 дүгэр зүйлийн 59.6 дахь хэсэг, Сангийн яамны 2023 оны А/253 дугаар тушаалын хавсралтаар батлагдсан “Тендер шалгаруулалтын гомдол хянан шийдвэрлэх журам” (цаашид “журам” гэх)-ын 4.1-т заасны дагуу гомдол гаргасан.

Тус гомдлын дагуу Сангийн яам 2025 оны 10 дугаар сарын 07-ны өдрийн 02/9120 дугаар албан бичгээр хуулийн 59.10-т заасан шийдвэр гаргасан тул хуулийн 24 дүгээр зүйлийн 24.3 дахь заалтыг үндэслэн захиалагчийн шийдвэр гаргах хугацааг ажлын 15 хоногоор сунгаж байгааг мэдэгдье.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах хуулийн 10 дугаар зүйлийн 10.5-д “Захиалагч өрсөлдөөнийг дэмжих зорилгоор бараа, ажил, үйлчилгээг зориулалт, нэр төрөл, газар зүйн байрлалыг харгалзан нэг төрлийн болон ижил төстэй байдлаар багцалж болно.” гэж заасан бөгөөд тухайн тендерийн техникийн тодорхойлолт заасан сэлбэг хэрэгсэл нь бүгд хийн цохилуурт алх, түүний эд ангид хамаарах нэр төрөл тул тусад нь багцлах боломжгүй.

Түүнчлэн оролцогч нь тухайн тендерийн техникийн тодорхойлолтын бүх бараанд санал илгээн оролцохыг анхаарна уу.