Цацраг идэвхт хаягдлыг аюулгүй болгох ажил

Сайн байна уу.

Тендерт оролцогч нараас хүссэн асуултад дараах тодруулгыг өгөх байна. Үүнд:

1. Техникийн даалгаврын 4.1-д заасан 40 ширхэг цацрагийн үүсгүүрийг улсын хэмжээнд цацраг идэвхт хаягдлыг төвлөрүүлэн хадгалах тусгай байгууламжид бүрмөсөн хадгалуулах төлбөр нь тусдаа төлөвлөгөөгүй, тендерийн үнэ, төсөвт өртөгт багтсан болно.
2. Техникийн даалгаврын 5.4-д заасан цацрагийн үүсгүүрийг улсын хэмжээнд цацраг идэвхт хаягдлыг төвлөрүүлэн хадгалах тусгай байгууламжид бүрмөсөн хадгалуулахаар шилжүүлэх Цөмийн энергийн асуудал хариуцсан төрийн захиргааны байгууллагатай байгуулах гэрээг байгуулах асуудлыг тендер Захиалагч удирдлагаар хангаж, гурван талт гэрээг байгуулах замаар шийдвэрлэнэ.
3. Техникийн даалгаврын 5.5-д заасан хар тугалган бөглөөг бэлтгэх, цацрагийн үүсгүүрт цацруулах сувагт байрлуулах, цацрагийн үүсгүүрийг тээвэрлэлт, хадгалалтад бэлтгэх ажлыг тендер Захиалагч хариуцна.
4. Техникийн даалгаврын 5.6-д заасан цацрагийн үүсгүүрийг хадгалах, тээвэрлэх хайрцагийг дараах шаардлагын дагуу бэлтгэнэ. Үүнд:

• Хайрцаг тус бүрт 6 ширхэг Cs-137 /цези-137/ изотоп бүхий цацрагийн үүсгүүртэй 4 ширхэг хайрцаг болон 16 ширхэг Cs-137 /цези-137/ ба Cd-109 /кадми-109/ изотоп бүхий цацрагийн үүсгүүртэй 1 ширхэг хайрцаг, нийт 5 ширхэг хайрцаг бэлтгэнэ;
• Дээрх 5 ширхэг хайрцаг тус бүр нь хавсралтад заасан зургийн дагуу 800мм (урт) х 600мм (өргөн) x 320мм (өндөр) хэмжээтэй, 3мм зузаантай гангийн хавтангаар хийсэн байна. Хайрцаг тус бүр нь зураг дээр харуулсан хэмжээтэй тагтай, бариултай, бэхэлгээтэй байна;
• Дээрх 5 ширхэг хайрцаг тус бүрийн доод хэсэгт улсын хэмжээнд цацраг идэвхт хаягдлыг төвлөрүүлэн хадгалах тусгай байгууламжид ашиглагддаг EJC-230 маркийн өргүүр-ачигчийн сэрээгээр хайрцагийг чөлөөтэй ачих, өргөх, зөөвөрлөх боломжтой 105мм өндөртэй, 600мм урттай, дотор талын хоорондын зай нь 700мм-ээс багагүй зайтай 2 ширхэг тулгуур-хөл хийсэн байна;
• Дээрх 5 ширхэг хайрцагийг бараан (цэнхэр, хар) өнгийн будгаар будсан байна;