Катерингийн үйлчилгээ

Өдрийн мэнд,

Шударга өрсөлдөөн, хэрэглэгчийн төлөө газарт оролцогчийн гаргасан гомдлын дагуу тус газраас ирүүлсэн Тендерийн баримт бичиг хянасан тухай 2020 оны 04 дүгээр сарын 14-ний өдрийн 01/586 дугаартай албан бичгийг хавсралтаар хүргүүлж байна.

Тухайн албан бичигт дурдсаны дагуу дараах залруулгыг хийж, тендерийн баримт бичигт өөрчлөлт оруулж байгааг мэдэгдье. Үүнд:

- "Эрдэнэс-Тавантолгой" ХК-д Катерингийн үйлчилгээний гүйцэтгэгчийг сонгох тендерийн баримт бичгийн ТШӨХ-ийн 4.4.в-д заасан  "Зориулалтын стандартын шаардлага хангасан тухайн компанийн өөрийн эзэмшлийн хүнсний зориулалтын агуулахтай байх. /Мэргэжлийн хяналтын байгууллагаас олгодог хүнсний агуулахын дүгнэлт, агуулахыг өөрийн эзэмшлийн болохыг нотолсон баримт бичиг, фото зургийн хамт ирүүлнэ/" гэсэн заалтыг "Зориулалтын стандартын шаардлага хангасан тухайн компанийн өөрийн эзэмшлийн хүнсний зориулалтын агуулахтай байх. /Агуулахыг өөрийн эзэмшлийн болохыг нотолсон баримт бичиг, фото зургийн хамт ирүүлнэ/" болгон өөрчилж;

-Техникийн тодорхойлолтын 11 дэх хэсэгт Хүнсний аюулгүй байдлын удирдлагын тогтолцоо /ISO22000/-ны стандарт шаардсан заалтыг хасч тендер шалгаруулалтыг үргэлжлүүлэн явуулах болсныг мэдэгдье.

Сайн байна уу?

"Эрдэнэс-Тавантолгой" ХК-аас зарласан Катерингийн үйлчилгээ үзүүлэгчийг сонгон ЭТТ/202001039 дугаартай тендер шалгаруулалттай холбоотой тодруулгын хариуг хүргүүлж байна.

- Түргэн хөрвөх чадвартай хөрөнгө болон авах боломжтой зээлийн нийт дүнг дараах шалгуур үзүүлэлтүүдийн аль нэгээр эсвэл [1] болон [2] дахь заалтын нийлбэрээр тус тус тодорхойлно. Үүнд:

1. Байгууллагын дансны үлдэгдэл /Харилцагч банкны/

2. Арилжааны банкны зээлийн авч болох мөнгөн дүн бүхий зээлийн тодорхойлолт /Банкны судлан үзэж зээл олгох боломжтой гэсэн тодорхойлолтыг үнэлгээнд харгалзахгүй/.

3. Түргэн хөрвөх чадвартай хөрөнгө болон авах боломжтой зээлийн нийт дүнг Сангийн сайдын 2015 оны 343 дугаар тушаалаар батлагдсан “Санхүүгийн тайланд шинжилгээ хийх үлгэрчилсэн загвар”-ын 3.2.2 /е/-д “Түргэн хөрвөх чадвартай хөрөнгө = Мөнгө түүнтэй адилтгах хөрөнгө + Санхүүгийн хөрөнгө + Дансны авлага гэсэн үзүүлэлтүүдээр дүгнэнэ” гэж заасны дагуу тодорхойлно./

Иймд Байгууллагын дансны үлдэгдэл болон Арилжааны банкны зээлийн авч болох мөнгөн дүн бүхий зээлийн тодорхойлолт нь тус бүрдээ болон нийлээд төсөвт өртгийн 15 хувийг хангах гэж ойлгож болно.

- Тендерийн баримт бичгийн ТШӨХ-ийн 4.4.в-д заасан "Зориулалтын стандартын шаардлага хангасан тухайн компанийн өөрийн эзэмшлийн хүнсний зориулалтын агуулахтай байх. /Мэргэжлийн хяналтын байгууллагаас олгодог хүнсний агуулахын дүгнэлт, агуулахыг өөрийн эзэмшлийн болохыг нотолсон баримт бичиг, фото зургийн хамт ирүүлнэ/" гэсэн заалтыг танай компаниас ирүүлсэн тодруулгын дагуу Үнэлгээний хороо судалж үзээд Мэргэжлийн хяналтын ерөнхий газрын даргын 2017 оны А/149 дугаартай тушаалыг үндэслэн дээрх заалтыг Тендерийн баримт бичгийн ТШӨХ-ийн 4.4.в-д заасан "Зориулалтын стандартын шаардлага хангасан тухайн компанийн өөрийн эзэмшлийн хүнсний зориулалтын агуулахтай байх. /Агуулахыг өөрийн эзэмшлийн болохыг нотолсон баримт бичиг, фото зургийн хамт ирүүлнэ/" гэж залруулж байна.

Өдрийн мэнд,

ШӨХТГ-аас тендертэй холбоотой гомдол гарсан тул түдгэлзүүлсэн бичиг ирснийг тодруулгаар оруулж байна.

Өдрийн мэнд,

Эрдэнэс-Тавантолгой ХК-иас зарласан Катерингийн үйлчилгээ үзүүүлэх ЭТТ/202001039 дугаартай тендер шалгаруулалтын ТӨШХ-ийн 7.1-д  "Үйлчилгээ үзүүлэх газар нь Улаанбаатар хотоос 550 км, Өмнөговь аймгийн Цогтцэций сумын төвөөс 12 км зайд байрлах “Эрдэнэс-Тавантолгой” ХК-ийн уурхайн “Цанхи” хотхон, уурхайн бүс болон “Эрдэнэс-Тавантолгой” ХК-ийн төв оффисын байр. Ажлын талбайтай газар дээр нь очиж танилцаж болох ба танилцах зардлыг тендерт оролцогч өөрөө хариуцна. Ажлын талбайтай танилцах уулзалтыг Захиалагч зохион байгуулахгүй." гэж заасан.

Гэтэл COVID-19 -тэй холбоотой улс орон даяар өндөржүүлсэн бэлэн байдлын зэрэгт шилжсэнтэй холбогдуулан Уул уурхай, хүнд үйлдвэрийн яамны Төрийн нарийн бичгийн даргын 2020 оны 03 дугаар сарын 17-ны өдрийн А/48 тоот тушаалаар өндөржүүлсэн бэлэн байдалд хариуцлагатай ажиллах түр журмыг баталж мөрдөхийг үүрэг болгосон.

Уг тушаалыг хэрэгжүүлэх зорилгоор Гүйцэтгэх захирлын 2020 оны 03 дугаар сарын 23-ны өдрийн А/91 тоот тушаалаар “Эрдэнэс-Тавантолгой” ХК өндөржүүлсэн бэлэн байдлын үед ажиллах түр журмыг батлан мөрдөн ажиллаж байна.

Түр журмын 3.6-д гадны байгууллага, иргэдийг компанийн байр, ажилтнуудын өрөө, тасалгаанд нэвтрүүлэхгүй байхаар заасан.

Иймд тендерт оролцогчид Салбар уурхайн үйл ажиллагаа, Цанхи хотхоны талаар дэлгэрэнгүй мэдээллийг тодруулгаар авах боломжтойг үүгээр мэдэгдэж байна.