뇨스

Монгол Улсын Их Хурлын 2017 оны 01 дүгээр сарын 12-ны өдрийн 11 дүгээр тогтоолоор батлагдсан “Монгол Улсын хууль тогтоомжийг 2020 он хүртэл боловсронгуй болгох үндсэн чиглэл”-ийн 1.12-т “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт, өөрчлөлт оруулах тухай” гэж заасны дагуу Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулинд нэмэлт, өөрчлөлт оруулах хуулийн төслийг боловсруулж байгаа болно.

Уг хуулинд нэмэлт, өөрчлөлт оруулах хуулийн төсөлтэй танилцаж холбогдох саналаа доорх мэйл хаягаар ирүүлнэ үү.

Хуулийн төсөл боловсруулах ажлын хэсгийн нарийн бичгийн дарга: З.Одгариг

Цахим шуудан: odgarig_z@mof.gov.mn

Холбогдох утас: 51-260347  8805-0960 

ТӨСӨЛ

МОНГОЛ УЛСЫН ХУУЛЬ

2017 оны …дугаар сарын …ны өдөр                                                                                                                                                           Улаанбаатар хот

ТӨРИЙН БОЛОН ОРОН НУТГИЙН ӨМЧИЙН ХӨРӨНГӨӨР БАРАА, АЖИЛ, ҮЙЛЧИЛГЭЭ ХУДАЛДАН АВАХ ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ

1 дүгээр зүйл. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 5 дугаар зүйлд дор дурдсан агуулгатай нэр томъёоны заалтыг шинээр нэмсүгэй:

1/5 дугаар зүйлийн 5.1.24 дэх заалт:

“5.1.24. Өөрийн хэрэгцээнд худалдан авах бараа, ажил, үйлчилгээ гэж зөвхөн тухайн байгууллагын өдөр тутмын үйл ажиллагааг явуулахад шаардагдах  бараа, ажил, үйлчилгээг.”

2/5 дугаар зүйлийн 5.1.25 дахь заалт:

“5.1.25. Худалдан авах ажиллагааны цахим систем гэж худалдан авах ажиллагааг төлөвлөх, зохион байгуулах, тайлагнах, хяналт тавих мэдээллийн тогтолцоог.”

3/5 дугаар зүйлийн 5.1.26 дахь заалт:

“5.1.26. Цахим худалдан авах ажиллагаа гэж цахим худалдан авах ажиллагааны системийг ашиглан зохион байгуулах худалдан авах ажиллагааг.”

4/5 дугаар зүйлийн 5.1.27 дахь заалт:

“5.1.27. “Ногоон худалдан авах ажиллагаа” гэж эрчим хүч, байгалийн нөөц баялгийн хэмнэлттэй хэрэглээ, байгалийн гаралтай /байгалиас заяасан/ хүнс, түүхий эд, нөөцөөр хангаж, хүний амьдралыг тэтгэх, оюуныг сэргээх үр өгөөж бүхий тогтвортой байдлыг хангах, уур амьсгалын өөрчлөлтөд дасан зохицох, ногоон орчныг бүрдүүлэхэд чиглэсэн бараа, ажил, үйлчилгээний худалдан авах ажиллагааг;”

2 дугаар зүйл.Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн, 34, 36, 46, 52, 52¹дугаар зүйлд дор дурдсан агуулгатай хэсэг, заалт нэмсүгэй:

1/34 дүгээр зүйлийн 34.4 дэх хэсэг:

“34.4. Энэ хуулийн 36-39 дүгээр зүйлүүдэд заасан сонгон шалгаруулалт 2 удаа амжилтгүй болсон тохиолдолд төсвийн асуудал эрхэлсэн төрийн захиргааны төв байгууллагын зөвшөөрлийн үндсэн дээр шууд гэрээ байгуулж болно.”

2/36 дугаар зүйлийн 18 дахь хэсэг:

“36.18. Дараахь тохиолдолд зөвлөхийн үйлчилгээний шууд гэрээ байгуулж болно”:           

“36.18.1. Энэ хуулийн 34 дүгээр зүйлийн 1.2, 34 дүгээр зүйлийн 34.4 дэх хэсэгт заасан нөхцөл үүссэн тохиолдолд.”

3/52¹ дүгээр зүйлийн 52¹.3 дахь хэсэг:

“52¹.3. Худалдан авах ажиллагааны улсын байцаагчийн дүрмийг төсвийн асуудал эрхэлсэн төрийн захиргааны төв байгууллага боловсруулж Засгийн газар батална.”

4/52 дугаар зүйлийн 52.4 дэх хэсэг:

“52.4. Энэ хуулийн 46.1.10-т заасан урьдчилсан худалдан авах ажиллагааны журмыг төсвийн асуудал эрхэлсэн төрийн захиргааны төв байгууллага энэ хуулийн 3.2-т заасан олон улсын гэрээгээр тохирсон нөхцөлийг үндэслэн тогтооно.”

5/52 дугаар зүйлийн 52.5 дахь хэсэг:

“52.5. Байгаль орчин, хүний эрүүл мэндэд хамгийн бага сөрөг нөлөө үзүүлэх шалгуур үзүүлэлтийн худалдан авах ажиллагааны баримтлах аргачлалыг төсвийн асуудал эрхэлсэн төрийн захиргааны төв байгууллага тогтооно.”

6/10 дугаар зүйлийн 10.1.8 дахь заалт:

“10.1.8. тухайн бараа, ажил, үйлчилгээ нь ногоон орчныг бүрдүүлэхэд чиглэсэн, байгаль орчин, хүний эрүүл мэндэд сөрөг нөлөөлөл хамгийн бага үзүүлэх.”

7/46 дугаар зүйлийн 46.1.10 дахь заалт:

“46.1.10. Захиалагч нь гадаад улсын зээл, тусламж, олон улсын байгууллагын санхүүжилтээр хэрэгжих төсөл арга хэмжээний худалдан авах ажиллагааг урьдчилсан худалдан авах ажиллагааны журмаар явуулж  болно.”

3 дугаар зүйл. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 10 дугаар зүйлийн 10.2 дахь хэсгийн “…ажил гүйцэтгэх тендерийн үнийг 7.5 хувиар…” гэсний дараа “…энэ хуулийн 10.1.8-д заасан этгээдийн ирүүлсэн тендерийн үнийг …. хувиар…” гэж, 22 дугаар зүйлийн 22.4 дэх хэсгийн “…хүлээлгэн өгснөөр…” гэсний дараа “…эсхүл цахим худалдан авах ажиллагааны системд нийтэлснээр…” гэж, 30 дугаар зүйлийн 30.4.3 дахь заалтын “…30.4.2…” гэсний дараа “…36.18…”-д гэж, 42 дугаар зүйлийн 42.1.2 дахь заалтын  “…29…” гэсний дараа “…40.5…” гэж, 55 дугаар зүйлийн 55.1 дэх хэсгийн “…нээлт хийхээс…” гэсний дараа “…ажлын 5-аас доошгүй хоногийн…” гэж тус тус нэмсүгэй.

4 дүгээр зүйл. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн дараах зүйл, хэсэг, заалтыг дор дурдсанаар өөрчлөн найруулсугай.

1/45 дугаар зүйлийн 7 дахь хэсэг:

“45.7. Зэвсэг хүчний нэгтгэл, анги, хил хамгаалах байгууллага болон хорих байгууллагын өөрийн хэрэгцээнд шаардлагатай үндсэн ажлыг Зэвсэгт хүчний тухай хууль, Монгол Улсын Хилийн тухай хууль болон Шүүхийн шийдвэр гүйцэтгэх тухай хуулийн холбогдох заалтын дагуу тухайн байгууллагад ажил, бараа, үйлчилгээ үзүүлэх нь ашигтай бөгөөд энэ нь нууцын зэрэглэлд хамаарч байгаа гэж захиалагч үзсэн нөхцөлд төсвийн асуудал эрхэлсэн төрийн захиргааны төв байгууллагаас авсан зөвшөөрлийн үндсэн дээр энэ хуулийн 7.1.1-д заасан нээлттэй тендер шалгаруулалтын журмыг хэрэглэхгүй байж болно.”

2/11 дүгээр зүйлийн 11.1.1 дэх заалт:

“11.1.1. тухайн бараа, ажил, үйлчилгээг гадаад шинж чанарын үзүүлэлтээр бус, зориулалт, эрчим хүч, байгалийн нөөц баялгийн хэмнэлттэй хэрэглээ, ашиглалт, чанарын түвшин, техникийн болон тухайн бараа, ажил, үйлчилгээ нь ногоон орчныг бүрдүүлэхэд чиглэсэн, байгаль орчин, хүний эрүүл мэндэд сөрөг нөлөөлөл хамгийн бага үзүүлэх шалгуур үзүүлэлтээр тодорхойлох.”

3/46 дугаар зүйлийн 46.1.6 дахь заалт:

“46.1.6. Гүйцэтгэгчийн гэрээний үүргийн биелэлтэнд чанар болон гүйцэтгэлийн хяналт тавьж, явцын мэдээллийг хагас жил тутамд цахим худалдан авах ажиллагааны системд оруулах.”

5 дугаар зүйл. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 5 дугаар зүйлийн 5.1.23 дахь заалтын “нэг” гэснийг “гурав” гэж, 9 дүгээр зүйлийн 9.2, 21 дүгээр зүйлийн 21.3 дахь хэсгийн “100,000.001” гэснийг “100,000,001” гэж, 21 дүгээр зүйлийн 21.3 дахь хэсгийн “10,000,000.001” гэснийг “10,000,000,001” гэж, мөн хэсгийн “100,000.001” гэснийг “100,000,001” гэж, 16 дугаар зүйлийн 16.1 дэх хэсгийн “аль нэгийг” гэснийг “аль тохирохыг” гэж, 45 дугаар зүйлийн 45.2.2 дахь заалт, 45.3, 45.6 дахь  хэсгийн “засаг даргын Тамгын газар” гэснийг “Засаг дарга ” гэж, 45 дугаар зүйлийн 45.6 дахь хэсгийн,  “сум дүүргийн Засаг даргын Тамгын газарт” гэснийг “сум, дүүргийн Засаг даргад” гэж тус тус өөрчилсүгэй.

6 дугаар зүйл. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 11 дүгээр зүйлийн 11.1.3 дахь заалтын “хэлбэр маяг” гэснийг, 28 дугаар зүйлийн 28.7.5 дахь заалтын “эмнэлгийн тоног төхөөрөмж”, 47 дугаар зүйлийн 47.3.1. дэх хэсгийн “эсхүл” гэснийг тус тус хассугай.

7 дугаар зүйл. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн З дугаар зүйлийн 3.6 дахь хэсэг, 3 дугаар зүйлийн 3.7 дахь хэсэг, 3 дугаар зүйлийн 3.8 дахь хэсэг,5 дугаар зүйлийн 5.1.16 дахь хэсэг, 8 дугаар зүйлийн 8.10 дахь заалтыг тус тус хүчингүй болсонд тооцсугай.

8 дугаар зүйл. Энэ хуулийг 201..оны..сарын..ний өдрөөс эхлэн дагаж мөрдөнө.