Автомашин болон хөдөлгүүр нийлүүлэх

Манай байгууллагаас зарласан “Автомашин болон хөдөлгүүр нийлүүлэх” нэртэй, УСУГ/20250102010 дугаартай тендерийн Багц №3:Кран нийлүүлэх тендерт  “А” ХХК -аас гаргасан гомдолыг Монополын эсрэг газар хянан үзээд  Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 58 дугаар зүйлийн 58.5.2-т “Зөрчлийг арилган, тендер шалгаруулалтыг үргэлжлүүлэхийг даалгах”, тендер шалгаруулалтын баримт бичигт холбогдох өөрчлөлтийг оруулж тендер шалгаруулалтыг үргэлжлүүлэх тухай даалгасаны дагуу Багц №3-н техникийн тодорхойлолтод өөрчлөлт орсон ба Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуулийн 20 дугаар зүйлийн 20.6 дах хэсэгт заасны дагуу ТББ-ийн ӨХ-ийн ТШЗ 26.1 тендер хүлээн авах эцсийн хугацааг 2025 оны 05 дугаар сарын 14-ны өдрийн 09 цаг 00 минут, ТШЗ 26.2 тендер нээх хугацааг 2025 оны 05 дугаар сарын 14-ны өдрийн 09 цаг 30 минут болгон хойшлуулж байгааг үүгээр мэдэгдэж байна.

“А” ХХК нь манай байгууллагаас зарласан “Автомашин болон хөдөлгүүр нийлүүлэх” нэртэй, УСУГ/20250102010 дугаартай тендерийн баримт бичгийн техникийн тодорхойлолттой холбоотойгоор нэмэлт тодруулга авах тухай хүсэлт цахим системээр ирүүлсэн байна. Үүнд: 1.ТШЗ 18.1 и баримтын илгээгдсэн төлбөрийн баримтын хуулбарыг ирүүлэх, "нэхэмжлэх"-ийн хуулбарыг тооцохгүй, 2024 оны 04 дүгээр сарын 01 ний өдрөөс төрийн байгууллагууд цахим төлбөрийн баримтын систем дээр и нэхэмжлэх үүсгүүлж төлбөрөө шилжүүлдэг болсон. Тиймээс и-баримтын илгээгдсэн төлбөрийн баримт нь и нэхэмжлэхээр л тайлагнагддаг болсон. Иймд и нэхэмжлэх  нь "нэхэмжлэх"-ийн хуулбар ирүүлэхийг тооцохгүйг анхаарна уу гэсэн заалтанд орох эсэх дээр тодруулга өгнө үү?
Тодруулга: 1.ТББ-ийн ӨХ-ийн ТШЗ 18.1 1.2023, 2024 оны аль нэг жилд ижил төстэй (ижил төстэй гэдэгт зөвхөн автомашин болон автомашины сэлбэг хэрэгсэл нийлүүлсэн байх гэж ойлгоно) бараа нийлүүлсэн тухай мэдээлэл ирүүлэх (гэрээний хуулбар, барааг хүлээлгэн өгсөн акт эсвэл гэрээ дүгнэсэн протокол хуулбар, тухайн гэрээний үнийн дүн бүхий ибаримтын “илгээгдсэн” төлбөрийн баримтын хуулбарыг ирүүлэх, “нэхэмжлэх”-ийн хуулбар ирүүлэхийг тооцохгүйг анхаарна уу!). гэж заасан ба и нэхэмжлэх үүсгэсний дараа тухайн байгууллагаас төлбөр төлөгдсөний дараа төлбөрийн ибаримт баталгааждаг ба төлөлт хийгдээгүй тохиолдолд төлбөрийн баримт үүсдэггүй болохыг үүгээр мэдэгдэж байна

“А” ХХК нь манай байгууллагаас зарласан “Автомашин болон хөдөлгүүр нийлүүлэх” нэртэй, УСУГ/20250102010 дугаартай тендерийн Багц №3: Кран нийлүүлэх тендерийн баримт бичгийн техникийн тодорхойлолттой холбоотойгоор нэмэлт тодруулга авах тухай хүсэлт цахим системээр ирүүлсэн байна. Үүнд: 1.Тус тендерийн багц 3 Краны тендерт Техникийн тодорхойлолтын 3-р зүйл Техникийн үзүүлэлтийн 3.10 дахь заалтад дугуйн хэмжээ 11.00R20 энэ хэмжээ нь Hyundai HD170 маркын автокраны үзүүлэлтээр нийлүүлэхэд төсөвт өртөг нь хүрэхгүй байгаа тул зөвхөн дугуйны хэмжээг 9.00R20 байж болох уу? Тодруулга: 1.Техникийн тодорхойлолтын 3-р зүйл Техникийн үзүүлэлтийн 3.10 дахь заалтад  заасан дугуйн хэмжээ нь 9.00R20 байж болохыг үүгээр мэдэгдэж байна.