Зуны дизель түлш

“Эрдэнэт үйлдвэр” ТӨҮГ-аас зарласан “Зуны дизель түлш” нийлүүлэгчийг сонгон шалгаруулах ЭҮТӨҮГ/20250102090 дугаартай тендер шалгаруулалтад оролцсон “Содмонгол групп” ХХК-аас Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 59 дүгээр зүйлийн 59.1 дэх заалт, Сангийн яамны 2023 оны А/253 дугаар тушаалын хавсралтаар батлагдсан “Тендер шалгаруулалтын гомдол хянан шийдвэрлэх журам” (цаашид “журам” гэх)-ын 4.1-т заасны дагуу гомдол гаргасан тул Сангийн яам 2025 оны 05 дугаар сарын 29-ний өдрийн 02/5046 дугаар албан бичгээр хуулийн 59.6 дахь заалтыг үндэслэн гүйцэтгэгч сонгох ажиллагааг 2025 оны 05 дугаар сарын 28-ны өдрөөс эхлэн түдгэлзүүлсэн болохыг үүгээр мэдэгдье.

Гомдлыг хянан шийдвэрлэх хугацаанд хуулийн 59 дүгээр зүйлийн 59.7 дахь хэсэгт заасан хугацаа зогсох болно.

“Эрдэнэт үйлдвэр” ТӨҮГ-аас зарласан “Зуны дизель түлш” нийлүүлэгчийг сонгон шалгаруулах ЭҮТӨҮГ/20250102090 дугаартай тендер шалгаруулалтад оролцсон “Петро хаан” ХХК, “Шунхлай” ХХК-аас Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 59 дүгэр зүйлийн 59.6 дахь хэсэг, Сангийн яамны 2023 оны А/253 дугаар тушаалын хавсралтаар батлагдсан “Тендер шалгаруулалтын гомдол хянан шийдвэрлэх журам” (цаашид “журам” гэх)-ын 4.1-т заасны дагуу гомдол гаргасан.

Тус гомдлын дагуу Сангийн яам 2025 оны 05 дугаар сарын 06-ны өдрийн 02/3853 дугаар албан бичгээр хуулийн 59.10.2-т заасан шийдвэр гаргасан тул хуулийн 24 дүгээр зүйлийн 24.3 дахь заалтыг үндэслэн захиалагчийн шийдвэр гаргах хугацааг ажлын 15 хоногоор сунгаж байгааг мэдэгдье.

"Эрдэнэт үйлдвэр" ТӨҮГ-аас зарласан "Зуны дизель түлш" нийлүүлэгчийг сонгон шалгаруулах ЭҮТӨҮГ/20250102090 дугаартай тендер шалгаруулалтад оролцсон "Петро хаан" ХХК, "Шунхлай" ХХК-аас гомдол гаргасан тул гүйцэтгэгч сонгох ажиллагааг 2025 оны 04 дүгээр сарын 22-ны өдрөөс эхлэн түдгэлзүүлсэн болохыг үүгээр мэдэгдье.  

2025 оны 03 дугаар сарын 31-ны ДБ-112-12/1487 тоот ТОДРУУЛГА ХҮРГҮҮЛЭХ тухай албан бичигтэй танилцана уу.

“Эрдэнэт үйлдвэр” ТӨҮГ-аас зарласан “Зуны дизель түлш” нийлүүлэгчийг сонгон шалгаруулах ЭҮТӨҮГ/20250102090 дугаартай тендерт оролцохыг сонирхогчийн Төрийн худалдан авах ажиллагааны (tender.gov.mn) цахим системаар дамжуулан ирүүлсэн тодруулгын дагуу дараах хариуг хүргүүлж байна. Тусгай зөвшөөрөлтэй холбоотой үүссэн асуудлыг тусгаж тайлбарласан баримт бичгийг хавсарган ирүүлсэн тохиолдолд ТШЗ 18.2-т заасан шаардлагад нийцсэн гэж үзэх боломжтой.

Мөн тендерийн баримт бичгийн ТШЗ 19.1 Санхүүгийн чадавхын шаардлагыг хангах нотлох баримт ирүүлэхийг шаардах эсэх: Үгүй гэснийг Тийм гэж өөрчлөлт оруулсан болно.