Монгол Улсын агаарын хилийн боомт “Чингис хаан” олон улсын нисэх буудлын гадна талбайд төрийн далбаа байршуулах.

Цаст Констракшн ХХК-с холбогдож байна. Бид “Чингис Хаан” ОУ-н нисэх буудлын гадна талбайд төрийн далбаа байршуулах ажлын тендерт оролцох хүсэлтэй байна. Tender.gov.mn-д байршуулсан Тендерийн баримт бичиг болон Ажлын даалгавартай танилцсан бөгөөд бидэнд дараах тодруулга байна. Үүнд:

1. Нийт төлөвлөж буй талбай ямар хэмжээтэй вэ? Боломжтой бол талбайн хэмжээ болон газрын заагийг тэмдэглэж өгөх
2. Гадна тохижилт ногоон байгууламжийн ландшафт төлөвлөлт дээр хэдэн м2 эсвэл хэдэн хувь нь ногоон байгууламж, явган хүний зам мөн авто зам /хэрэв байвал/ байх вэ?
3. Талбайн гэрэлтүүлгийн хувьд хэдэн хувь нь эсвэл хэдий хэмжээний талбайд гэрэлтүүлэг хийх вэ? Гэрэлтүүлгийн техникийн шаардлагыг боломжтой бол илгээх. Өндөр шонтой гэрэлтүүлгүүд байх уу? Нам хүний төвшнөөс доор гэрэлтүүлгүүд байх уу? Шалны гэрэлтүүлгүүд байх уу гэх мэт
4. Нийт 11 ширхэг далбаа байна гэж Ажлын даалгаварт дурдсан тул 11ш 25м-н урттай шон түүний төмөрбетон сууриуд байна гэж ойлгогдож байна. Бидний ойлголт буруу бол нийт хэдэн ширхэг далбааны суурь, шон байх вэ?

Эдгээр мэдээллийг авсны үндсэн дээр бид үнийн санал гаргах боломж бүрдэх тул та бүхэн яаралтай хариулт өгч дэмжлэг үзүүлнэ үү.

Тодруулгын хариу 2024-06-06

Манай Компаниас зарласан Монгол Улсын агаарын хилийн боомт “Чингис Хаан” ОУ-н нисэх буудлын гадна талбайд төрийн далбаа байршуулах тендерт оролцогч “Цаст Констракшн” ХХК-иас ирүүлсэн торуулгын хариуг үүгээр хүргэж байна.

1. “Нийт төлөвлөж буй талбай ямар хэмжээтэй вэ? Боломжтой бол талбайн хэмжээ болон газрын заагийг тэмдэглэж өгөх” гэх тухайд:

• Төрийн далбаан шон, суурийг байршуулах урьдчилан сонгон байршлийг ажлын даалгаврын хавсралтаар өгсөн бөгөөд уг цогцолборыг байгуулах нийт талбай нь 80-100 м2 орчим /дизайн, ажлын зургын шатанд шийднэ/.

2. “Гадна тохижилт, ногоон байгууламжийн ландшафт төлөвлөлт дээр хэдэн м2 эсвэл хэдэн хувь нь ногоон байгууламж, явган хүний зам мөн авто зам /хэрэв байвал/ байх вэ?” гэх тухайд:

• Гадна тохижолт, ногоон байгууламжийн хэмжээ нь дээрх талбайн 50-80 хувь байх бөгөөд автозам байхгүй харин суурийн гадна тал, явган хүний зам талбай нь дизайн төлөвлөлтийн шатанд шийдэх ба ашиглах материалыг ажлын даалгаварт заасан.

3. “Талбайн гэрэлтүүлгийн хувьд хэдэн хувь нь эсвэл хэдий хэмжээний талбайд гэрэлтүүлэг хийх вэ? Гэрэлтүүлгийн техникийн шаардлагыг боломжтой бол илгээх. Өндөр шонтой гэрэлтүүлгүүд байх уу? Нам хүний төвшнөөс доор гэрэлтүүлгүүд байх уу?“ гэх тухайд:

• Гэрэлтүүлгийн хувьд ажлын даагаварт заасан 25 метрийн өндөрт байгаа далбааг гэрэлтүүлэг, шонгын суурь, орчны тохижолтын гэрэлтүүлэг, мөн далбаан шонгийн оройд нисэхийн аюулгүйн шаардлагыг хангасан 24 цагийн ажиллагаатай анивчдаг дохионы улаан гэрэл гэсэн 3 төрөл байна. Гэрэлтүүлгийн техникийн шаардлага нь тухайн далбаан шон үйлдвэрлэгчийн техникийн шаардлагыг хангасан байх ба цахилгааны эх үүсвэрийн техникийн нөхцлийг ажлын зургийн шатанд шийднэ.

4. “Нийт 11 ширхэг далбаа байна гэж Ажлын даалгаварт дурдсан тул 11ш 25м-н урттай шон түүний төмөрбетон сууриуд байна гэж ойлгогдож байна. Бидний ойлголт буруу бол нийт хэдэн ширхэг далбааны суурь, шон байх вэ?” гэх тухайд:

• Уг агаарын хилийн боомт “Чингис хаан” ОУНБ-д байршуулах төрийн далбаа нь 25 метр өндөртэй зэвэрдэггүй ган төмөр хийцтэй 1 ширхэг шон бүхий цогцолбор байна. Мөн 11 ширхэг далбаа гэдэг нь уг шонд мандуулах ажлын даалгаврын 7 хэсэгт  тодорхой заасан /10х5 м, шонгийн өндөртэй зохистой харьцаатай/ даавуун далбаа болно.

Хүндэтгэсэн,