Хөрс хуулалт, нүүрс олборлолтын ажил /багцтай/

Тендерт оролцогчдод

Тодруулгын хариу

Манай компанийн ТТХК20240101011 дугаартай Төрийн худалдан авах үйл ажиллагааны системээр зарласан тендерийн материалтай холбоотой ирүүлсэн хүсэлтийн дагуу холбогдох тайлбар мэдээллийг хавсралт албан бичгээр хүргүүлж байна.

Тавантолгой ХК

Тендерт оролцогчдод

           Тодруулгын хариу хүргүүлэх тухай

“Хишиг арвин индустрал” ХХК-иас ирүүлсэн 2024 оны 04 дүгээр сарын 24-ний өдрийн 1/123 тоот албан бичигтэй танилцаад дараах хариуг хүргүүлж байна.

           Манай компаниас 2024 оны 04 дүгээр сарын 03-ны өдөр зарласан “Хөрс хуулалт, нүүрс олборлолтын ажил /багцтай/” ТТХК/20240101011 дугаар бүхий тендерийн баримт бичгээс доорх асуултад тодруулга хүссэн байна.

1. “Санхүүгийн түрээсийн гэрээ болон фидуцийн гэрээтэй техник тоног төхөөрөмжүүдийг өөрийн эзэмшлийн техник тоног төхөөрөмж гэж үзэх эсэхийг тодруулж өгнө үү” гэсэн дээр тодруулга өгөхөд Санхүүгийн түрээсийн гэрээ болон фидуцийн гэрээтэй техник тоног төхөөрөмжүүдийг өөрийн эзэмшлийн техник тоног төхөөрөмж гэж үзэхгүй болно.
2. “Санхүүгийн түрээсийн гэрээ болон фидуцийн гэрээтэй бол урьдчилгаа төлбөр төлсөн баримт шаардлагатай юу?” гэсэн дээр тодруулга өгөхөд Санхүүгийн түрээсийн гэрээ болон фидуцийн гэрээтэй техник тоног төхөөрөмжүүдийг өөрийн эзэмшлийн техник тоног төхөөрөмж гэж үзэхгүй учраас урьдчилгаа төлбөр төлсөн баримт шаардлагагүй болно.
3. “Тосолгооны машин, Хог хаягдал тээвэрлэх машин, Автокран, Дугуй өргөгч, Түлшний машин, Галын машин, Түргэн тусламжийн машин, Гэрэлтүүлэгч цамхаг, Усны насос зэрэг бусад туслах техникүүдийн үйлдвэрлэгчийн брошурыг тендерийн материалд хавсаргах шаардлагатай эсэхийг тодруулж өгнө үү.” гэсэн дээр тодруулга өгөхөд тендерийн баримт бичгийн ТШЗ 19.1-д “Үйлдвэрлэгчээс гаргасан техникийн үзүүлэлт бүхий каталоги танилцуулга ирүүлнэ.” гэж зааснаар хавсаргаж ирүүлэх шаардлагатай болно.
4. “Геофизик болон газар зохион байгуулагч гэсэн мэргэжлүүдийг геологич албан тушаалтай дүйцэх мэргэжил гэж үзэн тендерт санал болох эсэхийг тодруулж өгнө үү.” гэсэн дээр тодруулга өгөхөд тус геофизик болон газар зохион байгуулагч гэсэн мэргэжлүүдийг геологич албан тушаалтай дүйцүүлэн тооцохгүй болно.
5. “Үнийн тохируулга хэсэгт Дизель түлшний үнийн өсөлт, бууралт нь нэмэх, хасах 20 хувь үед үнийн тохируулга хийнэ болон Ашигт малтмал, газрын тосны газрын хил үнэ 10 хувиас илүү өсөх, эсхүл буурахаар бол үнийг тохируулна.гэж заасан байна. Уг хоёр заалтын алыг нь баримтлах талаар тодруулга өгнө үү.“ гэсэн дээр тодруулга өгөхөд тендерийн баримт бичгийн ТШЗ 21.6-д “Тендер зарласан өдрийн Ашигт малтмал, газрын тосны газраас зарласан Дизель түлшний үнийн өсөлт, бууралт нь нэмэх, хасах 20 хувь үед үнийн тохируулга хийнэ. Мөн Ашигт малтмал, газрын тосны газрын хил үнэ 10 хувиас илүү өсөх, эсхүл буурахаар бол үнийг тохируулна.“ гэж заасны аль нэг нөгцөл байдал үүссэнээс шалтгаалж хэрэглэхийг ойлгож болно.
6. “Дотоодын давуу эрх тооцох эсэхийг тодруулж өгнө үү” гэсэн дээр тодруулга өгөхөд тендерийн баримт бичгийн өгөгдлийн хүснэгтийн Д. Хянан үзэх, үнэлэх хэсэгт “Давуу эрх тооцуулахад шаардлагатай мэдээлэл, баримт бичиг: Ашиглахгүй” гэж заасны дагуу дотоодын давуу эрх тооцохгүй болно.

Тавантолгой ХК

Тендерт оролцогчдод

         Тодруулгын хариу хүргүүлэх тухай

“Говьтүрүү” ХХК-иас ирүүлсэн 2024 оны 04 дүгээр сарын 24-ний өдрийн ГТ24/54 тоот албан бичигтэй танилцаад дараах хариуг хүргүүлж байна.

         Манай компаниас 2024 оны 04 дүгээр сарын 03-ны өдөр зарласан “Хөрс хуулалт, нүүрс олборлолтын ажил /багцтай/” ТТХК/20240101011 дугаар бүхий тендерийн баримт бичгээс доорх асуултад тодруулга хүссэн байна.

1. “Банкнаас лизинг, зээлээр аваад ашиглаж байгаа техникүүдэд зээлийн гэрээг хавсаргахгүйгээр зөвхөн тухайн банкны тодорхойлолтоор баталгаажуулж болох уу” гэсэн дээр тодруулга өгөхөд тус техникүүд нь өөрийн эзэмшлийнх байх бөгөөд зээлийн гэрээг хавсаргах мөн холбогдох нотлох баримтуудыг ирүүлэх шаардлагатай болно.
2. “CAT390 экскаватор нь Барловорлд монголиа ХХК-аас 6м3 шанаганы багтаамжтай худалдан авсан ба авто үйлчилгээний нэгдсэн сан /autobox.mn/ сайт дээр гаалийн мэдээлэл хэсэгт шанаггүй гэж тэмдэглэсэн байна энэ тохиолдолд яах вэ?” гэсэн дээр тодруулга өгөхөд тендерийн баримт бичгийн ТШЗ 19.1-д “Дээрх машин механизмын талаарх мэдээллийг Төрийн худалдан авах ажиллагааны цахим систем www.tender.gov.mn-ээр дамжуулан Авто тээврийн үндэсний төвийн мэдээллийн сангаас лавлана. Санал болгож буй машин механизмын мэдээлэл үнэн зөв, бодит байдлаас зөрүүтэй бүртгэгдсэн аливаа асуудал нь захиалагч хариуцлага хүлээхгүй бөгөөд төрийн анхдагч өгөгдөл хадгалж буй мэдээллийн сангийн мэдээлэлд үндэслэн үнэлгээг хийх болохыг анхаарна уу!!!” гэж заасны дагуу шийдвэрлэнэ. Иймээс зөрүүтэй бүртгэгдсэн талаарх мэдээллийн нотлох баримтаа ирүүлэх нь оролцогчдод нээлттэй болно.
3. “tender.gov.mn сайтад техникийн чадавхийг бүртгэхдээ даац хэсэгт механизмыг тухайн техникийн үзүүлэлтээр нь /ковш шанаганы хэмжээ, автогрейдер хутганы урт гэх мэт/ бүртгэж болох уу?” гэсэн дээр тодруулга өгөхөд ТШЗ 19.1-д “Тоног төхөөрөмж, машин механизмын мэдээллийг худалдан авах ажиллагааны цахим систем www.tender.gov.mn-ээр дамжуулан илгээх зааварчилгааг хэрэглэгчийн хөтөч хэсэгт орж танилцана уу” гэж зааснаар ирүүлэхийг зөвлөж байна.
4. “Тухайн техникийн үйлдвэрийн каталоги болон авто үйлчилгээний нэгдсэн сан /autobox.mn/ сайт дээрх мэдээлэл зөрүүтэй харагдаж байгааг аль тодорхойлолтоор нь шаардлага хангасан гэж үзэх вэ?” гэсэн дээр тодруулга өгөхөд тендерийн баримт бичгийн ТШЗ 19.1-д “төрийн анхдагч өгөгдөл хадгалж буй мэдээллийн сангийн мэдээлэлд үндэслэн үнэлгээг хийх болохыг анхаарна уу!” гэж зааснаар шаардлага хангасан эсэхийг тогтоох болно.
5. “Үнийн тохируулга хэсэгт Дизель түлшний үнийн өсөлт, бууралт нь нэмэх, хасах 20 хувь үед үнийн тохируулга хийнэ болон Ашигт малтмал, газрын тосны газрын хил үнэ 10 хувиас илүү өсөх, эсхүл буурахаар бол үнийг тохируулна.гэж заасан байна. Уг хоёр заалтын алыг нь баримтлах талаар тодруулга өгнө үү.“ гэсэн дээр тодруулга өгөхөд тендерийн баримт бичгийн ТШЗ 21.6-д “Тендер зарласан өдрийн Ашигт малтмал, газрын тосны газраас зарласан Дизель түлшний үнийн өсөлт, бууралт нь нэмэх, хасах 20 хувь үед үнийн тохируулга хийнэ. Мөн Ашигт малтмал, газрын тосны газрын хил үнэ 10 хувиас илүү өсөх, эсхүл буурахаар бол үнийг тохируулна.“ гэж заасны аль нэг нөгцөл байдал үүссэнээс шалтгаалж хэргэлэхийг ойлгож болно.  
6. “Тосолгооны машин, Хог хаягдал тээвэрлэх машин, Автокран, Дугуй өргөгч, Түлшний машин, Галын машин, Түргэн тусламжийн машин, Гэрэлтүүлэгч цамхаг, Усны насос зэрэг бусад туслах техникүүдийн үйлдвэрлэгчийн брошурыг тендерийн материалд хавсаргах шаардлагатай эсэхийг тодруулж өгнө үү.” гэсэн дээр тодруулга өгөхөд тендерийн баримт бичгийн ТШЗ 19.1-д “Үйлдвэрлэгчээс гаргасан техникийн үзүүлэлт бүхий каталоги танилцуулга ирүүлнэ.” гэж зааснаар хавсаргаж ирүүлэх шаардлагатай болно.

Тавантолгой ХК

Тендерт оролцогчдод

             Тодруулгын хариу хүргүүлэх тухай

      Говьтүрүү ХХК-иас ирүүлсэн 2024 оны 04 дүгээр сарын 24-ний өдрийн ГТ24/55 тоот албан бичигтэй танилцаад дараах хариуг хүргүүлж байна.

     Манай компаниас 2024 оны 04 дүгээр сарын 03-ны өдөр зарласан “Хөрс хуулалт, нүүрс олборлолтын ажил /багцтай/” ТТХК/20240101011 дугаар бүхий тендерийн баримт бичгийн “Өгөгдлийн хүнэгтийн 19.1-д Ажил гүйцэтгэхэд шаардлагатай машин механизмуудын B. Туслах техникүүд болон С. “Бусад туслах техникүүдийг ажил эхлүүлэх болон ажил гүйцэтгэх үед уурхайд шаардлагатай тоо хэмжээгээр бэлэн байлгаж ажиллуулах тухай мэдэгдлийг баталгаажуулан ирүүлнэ гэж заасан нь үндсэн тоног төхөөрөмжийн адил маягт 3, ажлын даалгаварын хүснэгт №4 дээр илгээх үү эсвэл албан тоот мэдэгдлээр баталгаажих уу?” гэж ирүүлсэн бөгөөд дээрх техникүүдийг үндсэн тоног төхөөрөмжийн адил маягт №3 болон ажлын даалгаварын хүснэгт №4-ийн дагуу илгээх шаардлагагүй харин дээрх  техникүүдийг ажил эхлүүлэх болон ажил гүйцэтгэх үед уурхайд шаардлагатай тоо хэмжээгээр бэлэн байлгаж ажиллуулах тухай албан тоот мэдэгдлээр баталгаажуулан ирүүлэх болохыг үүгээр мэдэгдэж байна.

Тавантолгой ХК

Тендерт оролцогчдод

         Тодруулгын хариу хүргүүлэх тухай

“Эрдэнэс майнинг оператор” ХХК-иас ирүүлсэн 2024 оны 04 дүгээр сарын 24-ний өдрийн 94 тоот албан бичигтэй танилцаад дараах хариуг хүргүүлж байна.

Манай компаниас 2024 оны 04 дүгээр сарын 03-ны өдөр зарласан “Хөрс хуулалт, нүүрс олборлолтын ажил /багцтай/” ТТХК/20240101011 дугаар бүхий тендерийн баримт бичгийн ирүүлэх материалд “04 дүгээр сарын НД-ын тайланг заавал шаардах эсэх дээр хариу өгнө үү” гэж ирүүлсэн бөгөөд тус 2024 оны 04 дүгээр сарын НД-ын тайланг ирүүлэх шаардлагагүй болохыг үүгээр мэдэгдэж байна.

Тавантолгой ХК

Тендерт оролцогчдод

Тодруулгын хариу

Манай компанийн ТТХК20240101011 дугаартай Төрийн худалдан авах үйл ажиллагааны системээр зарласан тендерийн материалтай холбоотой ирүүлсэн хүсэлтийн дагуу холбогдох тайлбар мэдээллийг хүргүүлж байна.

- Инженер техникийн ажилчдын даатгуулагчийн төрлийн 27 кодоор үндсэн ажилтан төлөгдсөн байх гэсэн хэсэг, хөдөлмөрийн тухай хуулийн шинэчилсэн найруулгаар хасагдсан тул манай компанийн зүгээс залруулга илгээж байна.

Тавантолгой ХК

Тендерт оролцогчдод

Тодруулгын хариу

Манай компанийн ТТХК20240101011 дугаартай Төрийн худалдан авах үйл ажиллагааны системээр зарласан тендерийн материалтай холбоотой ирүүлсэн хүсэлтийн дагуу холбогдох тайлбар мэдээллийг хүргүүлж байна.

- Техникийн катологи болон бусад материалууд монгол хэл дээр байж болно.

Тавантолгой ХК

Тендерт оролцогчдод

Тодруулгын хариу

Манай компанийн ТТХК20240101011 дугаартай Төрийн худалдан авах үйл ажиллагааны системээр зарласан тендерийн материалтай холбоотой ирүүлсэн хүсэлтийн дагуу холбогдох тайлбар мэдээллийг хүснэгтээр хүргүүлж байна.

Уурхайн ашиглалтын үндсэн хэмжээсний үзүүлэлт

Тавантолгой  ХК

Сайн байна уу,

Та тодруулга авахдаа Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 19 дүгээр зүйлийн 19.1 дэх хэсэгт заасны дагуу бичгээр хүсэлтээ ирүүлнэ үү.

Сайн байна уу,

Та тодруулга авахдаа Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 19 дүгээр зүйлийн 19.1 дэх хэсэгт заасны дагуу бичгээр хүсэлтээ ирүүлнэ үү.