News

Төрийн худалдан авах ажиллагааны газар Монгол Улсын Засгийн газрын 2020-2024 оны үйл ажиллагааны хөтөлбөрийн 3 дугаар зүйлийн 3.1.16-т “Төрийн худалдан авах ажиллагаагаар дамжуулан эх оронч худалдан авалтыг дэмжиж, тендер шалгаруулалтын үйл ажиллагааг хиймэл оюун ухаан, сүүлийн үеийн дэвшилтэт технологид тулгуурлан хүний оролцоог багасгана.” гэж заасан зорилтын хүрээнд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 14 дүгээр зүйлд заасан ерөнхий нөхцөлийг магадлах лавлагаа тодорхойлолтууд болон авто тээврийн лавлагаа, дээд боловсролын дипломны мэдээллийг худалдан авах ажиллагааны цахим систем /www.tender.gov.mn/-ээр дамжуулан эрх бүхий газруудын нэгдсэн бүртгэлийн системээс авч, тендер шалгаруулалтын үнэлгээнд ашиглах боломжийг бүрдүүлэн 2022 оноос эхлэн хэрэглээнд нэвтрүүлэн ажиллаж байна. Мөн ерөнхий гэрээний тендер шалгаруулалтуудыг зохион байгуулж, цахим дэлгүүрт бүртгэлтэй бараа, үйлчилгээний нэр, төрлийг нэмэгдүүлэн ажиллаж байна. 

Эм, эмнэлгийн хэрэгслийн хяналт, зохицуулалтын газартай хамтран төрийн өмчийн эмнэлэг, эрүүл мэндийн байгууллагуудын эм, эмнэлгийн хэрэгслийн худалдан авалт хариуцсан мэргэжилтнүүдэд худалдан авах ажиллагааны цахим системээр тендер шалгаруулалт зохион байгуулах, цахим дэлгүүрээс эм, эмнэлгийн хэрэгсэл худалдах авах сургалтыг 2022 оны 9 дүгээр сарын 13-ны өдөр Улаанбаатар хотод зохион байгуулсан.Уг сургалтад Эрүүл мэндийн яам, Нийслэлийн эрүүл мэндийн газрын харъяа эмнэлгүүдийн болон 21 аймгийн эрүүл мэндийн газрын мэргэжилтнүүд оролцсноор эрүүл мэндийн салбарыг бүрэн хамруулсан сургалт боллоо. Сургалтаар оролцогчдын асуултад нээлттэй хариулж, худалдан авах ажиллагааны салбарын хууль журам болон цахим системд захиалагчийн админ эрх, үнэлгээний хорооны нарийн бичгийн эрхээр хийх үйлдлүүдийн талаар зөвлөгөө мэдээллээр хангаж ажилласан. Сургалтын үр дүнд төрийн өмчийн эмнэлэг, эрүүл мэндийн байгууллагууд эм, эмнэлгийн хэрэгслийн худалдан авах ажиллагааг цаг алдахгүй шуурхай, ил тод, өрсөлдөх тэгш боломжтой, үр ашигтай, хэмнэлттэй, хариуцлагатай зохион байгуулах мэргэжил арга зүйгээр хангагдсан. Ингэснээр дээрх байгууллагуудад эм, эмнэлгийн хэрэгслийн тасалдал үүсэхгүй байх нөхцөлийг хангаж, улмаар эрдэнэт хүний амь нас эрсдэхгүй байх баталгаа болох онцгой ач холбогдолтой юм.