Баяжуулалтын дарагч урвалж

Гэрээ байгуулах эрх олгосон мэдэгдлийг түр хугацаагаар түдгэлзүүлэх тухай

“Эрдэнэт үйлдвэр” ТӨҮГ-аас зарласан “Баяжуулалтын дарагч урвалж” нийлүүлэгчийг сонгон шалгаруулах ЭҮТӨҮГ/20250102041 дугаартай тендер шалгаруулалтын 1, 2, 3 дугаар багцад оролцсон “Мөнхийн тун” ХХК-аас Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 59 дүгээр зүйлийн 59.6 дахь хэсэг, Сангийн яамны 2023 оны А/253 дугаар тушаалын хавсралтаар батлагдсан “Тендер шалгаруулалтын гомдол хянан шийдвэрлэх журам” (цаашид “журам” гэх)-ын 4.1-д заасны дагуу гомдол гаргасан тул Сангийн яамны 2025 оны 07 дугаар сарын 09-ны өдрийн 02/6856 дугаартай албан бичгээр гүйцэтгэгч сонгох ажиллагааг 2025 оны 07 дугаар сарын 07-ны өдрөөс эхлэн түр хугацаагаар түдгэлзүүлсэн болохыг мэдэгдье.

Хавсралтаас албан бичигтэй танилцана уу.

Гэрээ байгуулах эрх олгосон мэдэгдлийг түр хугацаагаар түдгэлзүүлэх тухай

“Эрдэнэт үйлдвэр” ТӨҮГ-аас зарласан “Баяжуулалтын дарагч урвалж” нийлүүлэгчийг сонгон шалгаруулах ЭҮТӨҮГ/20250102041 дугаартай тендер шалгаруулалтын 1, 2, 3 дугаар багцад оролцсон Gansu Nabowang Chemical Products Co.,Ltd компаниас Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 59 дүгээр зүйлийн 59.6 дахь хэсэг, Сангийн яамны 2023 оны А/253 дугаар тушаалын хавсралтаар батлагдсан “Тендер шалгаруулалтын гомдол хянан шийдвэрлэх журам” (цаашид “журам” гэх)-ын 4.1-д заасны дагуу гомдол гаргасан тул Сангийн яамны 2025 оны 06 дугаар сарын 19-ны өдрийн 02/6118 дугаартай албан бичгээр гүйцэтгэгч сонгох ажиллагааг 2025 оны 06 дугаар сарын 16-ны өдрөөс эхлэн түр хугацаагаар түдгэлзүүлсэн болохыг мэдэгдье.

Албан бичигтэй хавсралтаас танилцана уу.

Захиалагчийн шийдвэр гаргах хугацааг сунгах тухай

“Эрдэнэт үйлдвэр” ТӨҮГ-аас зарласан “Баяжуулалтын дарагч урвалж” нийлүүлэгчийг сонгон шалгаруулах ЭҮТӨҮГ/20250102041 дугаартай тендер шалгаруулалт зохион байгуулан ажиллаж байна.

 Тухайлбал Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 48 дугаар зүйлийн 48.2.3 дахь заалт, Сангийн сайдын 2023 оны А/254 дүгээр тушаалын хавсралтаар баталсан “Үнэлгээний хорооны үйл ажиллагаа, урамшууллын журам”-ын 5 дугаар бүлэг, заалтын хүрээнд үнэлгээний хорооны зөвлөмж хууль тогтоомжид нийцсэн эсэхэд тус үйлдвэрийн газрын захиалагчийн хяналт хэрэгжүүлэх ажил хариуцсан бүтцийн нэгжээс хяналтын үйл ажиллагаа хийгдэж байна.

Иймд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 24 дүгээр зүйлийн 24.1 дэх хэсэгт заасан хугацааг энэ хуулий 24 дүгээр зүйлийн 24.3 дахь хэсэгт заасны дагуу ажлын 15 хоногийн хугацаагаар сунгаж байгааг мэдэгдье.

Мөн оролцогчид хуулийн 28 дугаар зүйлийн 28.8 дахь хэсэгт заасны дагуу тендерийн хүчинтэй байх хугацааг сунгаж ирүүлнэ үү.

Баяжуулалтын химийн бодист хамаарах дарагч, цуглуулагч, хөөсрүүлэгч, флокулянт /барьцалдуулагч/-ийн төрлийн 235 орчим нэр төрлийн химийн урвалж байдаг тул тендер шалгаруулалтын бичгийн тендер шалгаруулалтын зааварчилгааны шалгуур үзүүлэлтийг боловсруулахад хүхэрт натри эсвэл гидросульфид натри гэж тухайлан оноосон нэрийг заагаагүй бөгөөд 235 нэр төрлийг хамарсан ерөнхий нэршил буюу баяжуулалтын химийн урвалж бодис нийлүүлсэн ижил төстэй ажлын туршлага шаардсан нь дээрх хуулийн 5 дугаар зүйлийн 5.1-д “Энэ хуулийг хэрэгжүүлэхэд өрсөлдөх тэгш боломжтой, ил тод, үр ашигтай, хэмнэлттэй, хариуцлагатай байх зарчмыг баримтална.” гэж, 11 дүгээр зүйлийн 11.1-д “Тендер шалгаруулалтын баримт бичгийг санхүү, төсвийн асуудал эрхэлсэн Засгийн газрын гишүүний баталсан жишиг баримт бичиг, маягт, гэрээний нөхцөл болон холбогдох журам, аргачлалын дагуу боловсруулж, захиалагч батална.” гэж тус тус заасны дагуу сонирхогч, оролцогч этгээдүүдийн өрсөлдөх тэгш боломжийг бүрдүүлж, эрх бүхий байгууллагаас баталсан жишгийн дагуу баримт бичгийг боловсруулсан болно.

Хавсралтаас албан бичигтэй танилцана уу.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 10 дугаар зүйлийн 10.6-д Оролцогч тендер шалгаруулалтын хэдэн багцад тендер ирүүлэхийг захиалагч хязгаарлахгүй.” гэж заасан байх тул оролцогч нь гадаадын этгээд оролцох боломжтой бүх багцад материал ирүүлэх боломжтой бөгөөд багц тус бүрд материалыг тусад нь илгээх болохыг анхаарна уу.

Хавсралтаас албан бичигтэй танилцана уу.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 11.12, 35.13, 35.14 дэх заатуудын дагуу тендер шалгаруулалтын баримт бичгийн өгөгдлийн хүснэгтийн ТШЗ 1.2, ТШЗ 2.1-д заасан төсөвт өртөг, бараа нийлүүлэлтийн хуваарьт өөрчлөлт оруулсан. 

Иймд өөрчлөлт орсон төсөвт өртөг, тоо хэмжээний дагуу тендер ирүүлэхийг анхаарна уу.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 57 дугаар зүйлийн 57.1-д заасны дагуу Сонирхогч этгээдээс ирүүлсэн гомдолд нотлох баримт хавсаргаж ирүүлээгүй тул гомдлыг хүлээн авах боломжгүй талаар 2025-04-24-ний өдрийн ДБ-112-12/2084 тоот албан бичгээр хариу хүргүүлсэн.