Баяжуулалтын дарагч урвалж +

“Эрдэнэт үйлдвэр” ТӨҮГ-аас зарласан “Баяжуулалтын дарагч урвалж +” нийлүүлэгчийг шалгаруулах ЭҮТӨҮГ/20250102903 дугаартай тендерийн багц 1, багц 2-т оролцсон “Цэцүүх трейд” ХХК-аас Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 59 дүгээр зүйлийн 59.1 дэх хэсэг, Сангийн яамны 2023 оны А/253 дугаар тушаалын хавсралтаар батлагдсан “Тендер шалгаруулалтын гомдол хянан шийдвэрлэх журам” (цаашид “журам” гэх)-ын 4.1-д заасны дагуу гомдол гаргасан тул Сангийн яамны 2025 оны 04 дүгээр сарын 24-ний өдрийн 02/3272 дугаартай албан бичгээр захиалагчийн шийдвэр буюу үйлдлийн хэрэгжилтийг 2025 оны 04 дүгээр сарын 22-ны өдрөөс эхлэн түр хугацаагаар түдгэлзүүлсэн болохыг мэдэгдье.

Санхүүгийн шаардлагатай холбоотой тодруулгыг хавсралтаар хүргүүлж байна.

“Эрдэнэт үйлдвэр” ТӨҮГ-аас зарласан “Баяжуулалтын дарагч урвалж+” нийлүүлэгчийг сонгон шалгаруулах ЭҮТӨҮГ/20240102903 дугаартай тендерт оролцохыг сонирхогчоос Төрийн худалдан авах ажиллагааны цахим (tender.gov.mn) системээр дамжуулан гаргасан тодруулгын хариуг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 19 дүгээр зүйлийн 19.3 дахь хэсэгт заасны дагуу хүргүүлж байна.

Тус тендер шалгаруулалтын баримт бичгийн өгөгдлийн хүснэгтийн ТШЗ 18.1.1 дэх хэсэгт заасан “Барааг дагалдах үйлчилгээг хэрэгжүүлэх хүний нөөцийн мэдээлэл”, “Ижил төстэй бараа нийлүүлсэн туршлага”, “Бараа нийлүүлэхэд ашиглагдах үндсэн тоног төхөөрөмж, техник хэрэгсэл” зэргийг шаардахгүй болно.

Харин ТШЗ 18.1.2 дахь хэсэгт заасан санхүүгийн чадавхын шалгуур үзүүлэлтийг шаардахыг мэдэгдэж байна.  

Нэр бүхий этгээдээс захиалагчид гаргасан Е-024 дугаартай гомдлыг 2025.03.20-ны өдөр хүлээн авч хариуг ГЁ-112-12/1429 дугаартай албан бичгийг хүргүүлсэн болно.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 57 дугаар зүйлийн 57.2-т "Захиалагч гомдлыг хүлээн авснаас хойш ажлын гурван өдрийн дотор гомдол гаргагчийн нэрийг дурдалгүйгээр гомдлын агуулгыг цахим системд нийтэлнэ." гэж заасны дагуу нэр бүхий компаниас 2025-03-17-ны өдөр дугаар албан бичгээр ТШББ-ийн 18.1.1.2-д "Ижил төстэй ажлын туршлагыг нотлох гэрээний туршлагын шаардлага шаардах эсэх: шаардахгүй" гэж заасанд захиалагчид гомдол гаргасан болно. 

Монополын эсрэг газарын 2025.03.12-ны өдрийн 01/439 дугаартай бичгээр тендер шалгаруулалтыг үргэлжлүүлэхийг зөвшөөрсөн тул үргэлжлүүлэн зарлав.