Нэгдсэн эмнэлгийн шинэ амбулаторийн барилгын тохижилтод шаардлагатай тоног төхөөрөмж, тавилга эд хогшил

ТЕНДЕРТ ОРОЛЦОГЧДЫН АНХААРАЛД: Аймгийн нэгдсэн эмнэлгийн шинэ амбулаторийн барилгын тохижилтод шаардлагатай тоног төхөөрөмж, тавилга эд хогшил нийлүүлэгчийг сонгон шалгаруулах тендерээс тодруулга авахыг хүссэний дагуу дараах тодруулгыг хүргүүлж байна.

1. Засгийн газрын 2025 оны 02 дугаар сарын 26-ны өдрийн 109 дүгээр тогтоолоор 2025 оны 03 дугаар сарын 03,04,05-ны өдрүүдийг амралтын өдөр болгосонтой холбогдуулан тус тендер шалгаруулалтын хугацааг сунгаж 2025 оны 03 дугаар сарын 21-ний өдөр 10 цаг 10 минутад нээхээр сунгаж байна.
2. Багц 1 буюу тавилга, эд хогшил нийлүүлэх багцад заасан зарим модон тавилга, сандлын өнгийг байгууллагын интерьертэй уялдуулах шаардлагатай байгаа тул өнгө заагаагүй.
3. Зарим оффис тавилга буюу даргын өрөө, сургалтын өрөөний сандлны өнгө нь барилгын интерьертэй уялдах шаардлага байхгүй тул өнгө зааж өгсөн. Техникийн тодорхойлолтод заасан барааны өнгөтэй дүйцэхүйц өнгийн барааг хүлээн авах болно. Техникийн тодорхойлолтын 23-т заасан хоолны ширээний материалтай адил өнгөлгөөтэй шахмал хавтантай материалаар хийгдсэн сандал байна.
4. Байгууллагын brandbook тодорхой болохоор шалгарсан оролцогчтой гэрээ байгуулахдаа зарим тавлига, эд хогшилын өнгө болон загвар дизайн дээр харилцан ярилцаж тохиролцоно.
5. Бараа нийлүүлэгдэх хуваарийг гэрээ байгуулсан өдрөөс хойш 45 хоногийн дотор нийлүүлж хүлээлгэн өгсөн байх.

Тендерийн баримт бичиг болон техникийн тодорхойлолтод холбогдох засварыг хийж хугацааг сунгах тул тендерийн баримт бичгийг төрийн худалдан авах ажиллагааны цахим систем болох tender.gov.mn -ээс дахин татаж авна уу.