Санхүүгийн тайлангийн хөндлөнгийн аудит үйлчилгээ

Тендерт оролцогчоос Шударга өрсөлдөөн, хэрэглэгчийн төлөө газарт гомдол гаргасантай холбоотойгоор тендерийн баримт бичигт дараах өөрчлөлтүүдийг оруулав. Үүнд:

1. Багийн ахлагч /Гадны партнер/ гэсний “Гадны партнер” гэдгийг хасав.
2. Мөн багийн ахлагч гэсний 1.2 Тухайн олон улсын аудитын компанид 5-аас дээш жил ажилласан, сүүлийн 5-н жилд аудит болон зөвлөх үйлчилгээ үзүүлсэн туршлагатай, мэргэжлийн англи хэлтэй байх. /CV ирүүлнэ./ гэснийг “Тухайн аудитын компанидаа 3 буюу түүнээс дээш жил ажилласан, сүүлийн 3-н жилд аудит болон зөвлөх үйлчилгээ үзүүлсэн туршлагатай, мэргэжлийн англи хэлтэй байх. /CV ирүүлнэ./” гэж өөрчлөв.
3. Багийн гишүүн /мэдээллийн технологийн аудитор/: 3.1 Тухайн аудитын компанид үндсэн ажилтнаар 3-аас дээш жил ажилласан байх, сүүлийн 3-н жилд аудит болон зөвлөх үйлчилгээ үзүүлсэн туршлагатай байна. /CV ирүүлнэ/ гэснийг “3.1 Тухайн аудитын компанид үндсэн ажилтнаар 3 буюу түүнээс дээш жил ажилласан байх, сүүлийн 3-н жилд аудит болон зөвлөх үйлчилгээ үзүүлсэн туршлагатай байна. /CV ирүүлнэ/” гэж өөрчлөв.
4. Батлагдсан төсөвт өртгийн үнийн дүнгээс багагүй үнийн дүнтэй ижил төстэй үйлчилгээг 2022, 2023 онд тус бүр доод тал нь 1 удаа үзүүлсэн байх (ижил төстэй үйлчилгээ гэж банк, санхүү, хөрөнгө оруулалтын менежментийн чиглэлээр үйл ажиллагаа явуулдаг байгууллагын санхүүгийн тайланд аудитын үйлчилгээ үзүүлснийг ойлгоно) гэснийг “Санал болгож буй үнийн дүнгээс багагүй үнийн дүнтэй ижил төстэй үйлчилгээг 2022, 2023 онд тус бүр доод тал нь 1 удаа үзүүлсэн байх (ижил төстэй үйлчилгээ гэж банк, санхүү, хөрөнгө оруулалтын менежментийн чиглэлээр үйл ажиллагаа явуулдаг байгууллагын санхүүгийн тайланд аудитын үйлчилгээ үзүүлснийг ойлгоно)”
5. Тендерийн баримт бичгийн техникийн тодорхойлолтын үйлчилгээ үзүүлэх байгууллагад тавигдах шаардлага хэсгийн 4. “Олон улсад хүлээн зөвшөөрөгдсөн, нэр хүндтэй, банк санхүүгийн байгууллагад 3 /гурав/-аас доошгүй жил аудит хийсэн туршлагатай байгууллага байна”  гэсэн нөхцөлийг хангасан нотлох баримт бичиг гэснийг “Банк санхүүгийн байгууллагад 3 /гурав/-аас доошгүй жил аудит хийсэн туршлагатай байна /Уг заалтыг нотлох баримт бичгийг хавсаргаж ирүүлнэ./ “ гэж өөрчлөв.
6. Талуудын харилцан үнэлгээний хүрээнд гэрээний хугацааг Аудитын тухай хуулийн 8.1 дэх хэсэгт заасанчлан тогтоох, үргэлжлүүлэх боломжтой байх.” гэж нэмэв.  
7. Шударга өрсөлдөөн, хэрэглэгчийн төлөө газраас ирүүлсэн албан бичгийн дагуу 2024 оны 9 дүгээр сарын 15-ны өдрөөс 2024 оны 9 дүгээр сарын 24-ний өдрийг хүртэл тендер хүлээн авахыг зогсоосон тул тендерийг 2024 оны 10 дугаар сарын 2-ны өдрийн 09 цаг 00 минут хүртэл хүлээн авна. Тендерийн нээлтийг 2024 оны 10 дугаар сарын 2-ны өдрийн 09 цаг 30 минутанд хийнэ. 

Танай 2024 оны 9 дүгээр сарын 3-ны өдөр ирүүлсэн тодруулгатай танилцаад дараах хариуг хүргүүлж байна. Үүнд: 

1. ТШЗ 18.1 дэх хэсэгт тусгасан шаардлагыг өөрчлөх боломжгүй болно.
2. Тухайн аудит хийх багийн гишүүн нь Солонгос, Энэтхэг болон бусад орны KPMG салбарт ажилладаг мэргэжилтэн байж болно.
3. Багийн ахлагч нь Олон улсын аудиторын гэрчилгээтэй байна.
4. Мэдээллийн технологийн аудиторын Certified Information Systems Auditor /CISA/ сертификаттай байх тохиолдолд аудиторын эрхтэй гэж үзнэ.
5. Шаардлагатай тохиолдолд Монголбанкны байранд ажиллах боломжтой байх гэж ойлгож болно.
6. Төрийн болон албаны нууцын тухай хуулийн хүрээнд тавигдах шаардлага нь зөвхөн уг тендерт шалгарч, гэрээ байгуулах эрх олгогдсон байгууллагад хамаарна.

Танай 2024 оны 9 дүгээр сарын 2-ны өдөр ирүүлсэн тодруулгатай танилцаад дараах хариуг хүргүүлж байна. 

1. Аудитын тухай хуулийн 8.1 дүгээр зүйлд заасан хугацаанд нийцүүлэн танай байгууллага уг тендерт саналаа ирүүлэх боломжтой байна.
2. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 26.9. дэх хэсэги зааснааар тендер шалгаруулалтын баримт бичгийн бүх шаардлагыг нэгэн зэрэг хангасан тендерийг шаардлагад нийцсэн тендер гэж үзэх бөгөөд тус хуулийн 4.1.22.-т зааснаар харьцуулах үнээр эрэмбэлнэ.