信息

Төрийн өмчийн бодлого, зохицуулалтын газар Нийслэлийн Худалдан авах ажиллагааны албатай хамтран “Цахим худалдан авах системийн тухай болон ХАА-ны өнөөгийн байдал, цаашдын чиг хандлага ”сэдэвт сургалтыг 2016 оны 11 сарын 28-нд Нийслэлийн Засаг Захиргааны IV Байрны хурлын танхимд зохион байгууллаа. Сургалтанд Нийслэлийн Худалдан авах ажиллагааны ажилтан албан хаагчид оролцлоо. Нийслэлийн Худалдан авах ажиллагааны газар нь 2016 онд зарласан бүх тендерийг 100 хувь цахим хэлбэрээр зохион байгуулсан байна. Тендерийг цахимаар зохион байгуулсанаар:

1. Худалдан авах ажиллагааны цахим системээр дамжуулан олон нийтийг Засгийн газрын худалдан авах ажиллагаатай холбоотой мэдээ, мэдээллээр хангаж, тендер шалгаруулалтын илтод байдлыг бий болгон шалгарсан болон шалгараагүй үндэслэлийг нийтэлж байна.
2. Худалдан авах ажиллагааны газарт зохион байгуулагдаж байгаа тендерийн хяналтын төсвийг цахим хуудсанд илтод байршуулан олон нийтэд мэдээлж байгаа бөгөөд энэ нь хэт өндөр төсөвтэй тендерийн санал ирж, тендер хүчингүй болохоос сэргийлэх, оролцогчдын үнийн санал хяналтын хязгаараас зөвшөөрөгдсөн хэмжээнээс илүү гарахгүй болж байгаа нь улсын төсвийн хөрөнгийг хэмнэхэд чухал ач холбогдолтой болсон.
3. Худалдан авах ажиллагаанд оролцогчид худалдан авах ажиллагааны баримт бичгийг үнэ төлбөргүйгээр цахим системээс татан авдаг болсноор тендерт оролцоход ААН-ээс гардаг зардал багассан.
4. Төрийн байгууллагын тендер шалгаруулалт зохион байгуулах болон тендерийн материалыг архивлах хадгалахад гарах зардал буурч, төсвийн үр ашгийг нэмэгдүүлсэн. Тендерт оролцогчдоос ирүүлсэн тендерийн саналын материал цахим хэлбэрээр хадгалагддаг болсон зэрэг олон давуу талтай.

МУ-ын ЗГ-аас хэрэгжүүлж буй бодлогын хүрээнд Төрийн цахим худалдан авах ажиллагааны нэгдсэн систем шинэчлэгдэж байгаа бөгөөд 2017 оноос эхлэн төрийн бүх худалдан авалтууд цахим хэлбэрт шилжих юм.

МЭДЭЭЛЭЛ, ТЕХНОЛОГИЙН АЛБА