Ажилтнуудын эрүүл мэндийн урьдчилсан сэргийлэх үзлэг

ТЕНДЕРТ ОРОЛЦОХЫГ СОНИРХОГЧ ЭТГЭЭДҮҮДЭД

Тодруулгын хариу хүргүүлэх тухай

“Эрдэнэс Тавантолгой” ХК-аас зарласан ЭТТХК/20250103344 дугаартай “Ажилтнуудын эрүүл мэндийн урьдчилан сэргийлэх үзлэг” үйлчилгээ үзүүлэгчийг сонгох тендер шалгаруулалтад тендерт оролцохыг сонирхогч этгээдээс ирүүлсэн тодруулгын хариуг хавсралтаар хүргүүлж байна.

Дээрх тодруулга нь тендерийн баримт бичгийн салшгүй нэг хэсэг болно.

1. Асуулт: Манай лаборатори нь Хепатит В вирусын халдварын дараах шинжилгээг хийж байна. Та бүхэн Anti-HBV буюу антиген, антител гэж аль төрлийн шинжилгээг хийлгэхийг зориж байгаа вэ?

Хариулт:

1. Хариулт: Антиген буюу тухайн вирусын халдвар авсан эсэхийг үзэх.
2. Антител буюу тухайн вирусын эсрэг дархлаа тогтоц үүсэн эсэхийг үзэх. Тухайн вирусын эсрэг дархлаа тогтоогүй бол дархлаажуулалтанд хамруулахын тулд уг шинжилгээг хийж байгаа.

1. Асуулт: Үйлчлүүлэгчийн арьсан доогуур нэмэлт хатгалт хийж, харшлын сорил тавиж нэмэлт зовуурь үүсгэх шаардлагагүйгээр, нэгэнт цуглуулсан цус (захын венийн судасны цус)-нд харшлын тоос, ургамал, амьтны үс, хоол хүнс  гэх мэт 54 үзүүлэлт бүхий тоон утгаар хариу гаргах шинжилгээг хийх боломжтой тул уг тусламж үйлчилгээг дүйцүүлэн санал болгож байна.

Хариулт: Ажлын даалгаварт Харшлын хатгах сорил /түгээмэл тохиолддог 25-30 төрөл зүйлийн харшлын сорил тавих/гэж заасан байгаа.

Уг шаардлагыг дордуулахгүй 30 ээс дээш илүү олон үзүүлэлт нь үзэхэд татгалзах зүйлгүй. /Тендерийн үнийн дүнгээс хэтрэхгүй байх./

1. Асуулт: Зөвхөн харшлын фонотой (харшлын түүхтэй) хүмүүсээс харшлын шинжилгээ авах боломжтой юу?

Хариулт: Боломжгүй

1. Асуулт: Урьдчилан сэргийлэх үзлэгийн хүрээнд Түрүү булчирхайн хавдрын маркер буюу total PSA (Total Prostate-Specific Antigen) шинжилгээг санал болгож байна.

Хариулт: Боломжтой

1. Асуулт: Уушигны хавдрын маркер

Манай лаборатори нь дараах Уушигны хавдрын маркерийн шинжилгээг хийж байгаа, доорх хүснэгтэд нэмэлт тайлбарыг хүргүүлэв.

Үүнд:  CYFRA 21-1 (Cytokeratin 19 Fragment) ба NSE (Neuron-Specific Enolase).

Та бүхэн 2 шинжилгээг хамтад нь хийлгэх хүсэлтэй юу, эсвэл нийтлэг хийгдэх CYFRA 21-1 шинжилгээг хийлгэх хүсэлтэй юу

 Хариулт: NSE (Neuron-Specific Enolase) өндөр өртөгтэй шинжилгээ тул төсөвт өртөгөөс хэтрэхгүйгээр шинжилгээнд санал болгож болно. /Давуу тал болохгүй/

1. Асуулт: Үлдэгдэл азот ба Мочевины шинжилгээ: Үлдэгдэл азот болон мочевины шинжилгээг давхар хийх нь ихэвчлэн хэрэгтэй биш бөгөөд нэг нь бусадтайгаа давхцаж байдаг.

Тодруулга хүсэх асуулт:

Мочевин шинжилгээ хийж байгаа тул үлдэгдэл азот шинжилгээ хийхгүй байж болох уу?

Хариулт: Болохгүй заавал тус тусад нь хийгдэх шинжилгээ юм. Энэ хоёр шинжилгээ нь ялгаатай байдаг. Учир нь Үлдэгдэл азот нь (том молекулт уургийн задралын үр дүнг үнэлэх, эцсийн бүтээгдэхүүн)   Мочевин: Бөөрний түүдгэнцрийн шүүлт, ажлыг үнэлэх.

1. Асуулт: Тусгайлан авч үзэх насны ангилал болон үзлэгийн төрлүүдийг илүү дэлгэрэнгүй хэлбэрээр зөвлөж, эдгээр шинжилгээг зорилтот насны бүлгүүдэд тендерийн үнийн дүн бууруулалгүй хийх боломжтой эсэхийг тус тус тодруулж байна.

Хариулт: Тусгайлан авч үзэх насны ангилалд хамрагдах шинжилгээг ажлын даалгаварт оруулсан байгаа. Зорилтод насны бүлэг гаргах шаардлага байхгүй, учир нь манай байгууллагын ажилтнууд нь хөдөлмөрийн хүнд, хортой нөхцөлд ажилладаг гэдгийг санах хэрэгтэй. Тиймээс техникийн баримт бичигт заасан ажлын даалгаврын дагуу 1883 ажилтныг эрүүл мэндийн урьдчилсан сэргийлэх үзлэгт хамруулахаар ажлын төлөвлөгөө боловсруулан материалаа ирүүлнэ үү.