ERP программ хангамж

Сайн байна уу?

“Эрдэнэс-Тавантолгой” ХК-д ERP  программ хангамж  нийлүүлэгчийг сонгон шалгаруулах ЭТТ/201901144 дугаартай нээлттэй тендер  шалгаруулалтад оролцсон 2 компаниас Монгол Улсын Сангийн сайдын 2019 оны 132 дугаар тушаалын хавралтаар батлагдсан “Тендер шалгаруулалтын материалыг тухайн тендерт оролцогчдод ил болгох тухай журам”-ын дагуу шалгарсан этгээдийн материалтай танилцах хүсэлтийг ирүүлсэн байна. Хүсэлтийг хавсралтаар илгээв. 

Тус журмын 2.7-д “Цахим тендер шалгаруулалтын хувьд энэ журмын 2.2, 2.4-т заасан тендер шалгаруулалтын материалыг худалдан авах ажиллагааны цахим системээр дамжуулан тендерт оролцогчдод ил болгоно” гэж заасан. Бидний зүгээс шалгарсан оролцогчийн материалыг ил болгох тохиргоо цахим системд байхгүй байгаа бөгөөд, хэрхэн ил болгох талаар Төрийн өмчийн бодлого зохицуулалтын газрын it@procurement.gov.mn цахим шуудангаар лавлахад "Тендер шалгаруулалтын үр дүнг нийтэлсэн тохиолдолд оролцсон байгууллагуудад харагдах боломжтой болно" гэсэн хариу ирүүлсэн.

Тендер шалгаруулалтын үр дүнг нийтэлсэн тул оролцогчид материалтай танилцна уу.

Сайн байна уу?

Эрдэнэс-Тавантолгой ХК-д ERP программ хангамж нийлүүлэх ЭТТ/201901144 дугаартай тендер шалгаруулалтад оролцогч Интерактив ХХК-иас ирүүлсэн тодруулга болон хариуг хүргүүлж байна.

Тус тендерт оролцогч этгээдээс Шударга өрсөлдөөн, хэрэглэгчийн төлөө газарт гомдол гаргасан тул ШӨХТ газраас тендер шалгаруулалтын материал авах, нээлт хийх үйл ажиллагааг түр түтгэлзүүлсэн байсан тул гомдол хянах хугацаанд тендерийн талаарх тодруулгыг хүргүүлээгүй болно.

Интерактив ХХК-ийн тодруулга хүссэн албан бичгийг хавсралтаас үзнэ үү.

Тодруулга №1

А-1.1 Тендерийн баримт бичгийн 1-р бүлгийн ТЕНДЕРТ ОРОЛЦОГЧДОД ӨГӨХ ЗААВАРЧИЛГАА-ны 13.1-т...... зааварчилгааны дагуу бэлтгэх ба холбогдох бүх баримт бичиг нь монгол хэл дээр, гадаадын этгээд худалдан авах ажиллагаанд оролцох эрхтэй бол тэдгээр нь  ТШӨХ-д заасан хэл дээр байна гэж заасан бол 2-р бүлгийн ТЕНДЕРИЙН ӨГӨГДЛИЙН ХҮСНЭГТ-ийн ТОӨЗ 13.1-т Тендерт гадаадын этгээд оролцох эрхтэй бөгөөд тендерийн хэл нь Монгол хэлээс гадна Англи хэл дээр байна гэж тус тус заасан байгаа нь Тендерийн материалыг заавал Монгол болон Англи дээр бэлтгэж өгөх ёстой эсэх эргэлзээ үүсгэж байгаа тул Тендерийн хэлийг яг аль хэл дээр байх талаар тодорхой хариу өгөх

Х-1.1 Тус заалт нь Тендерийн баримт бичгийн 1-р бүлгийн ТЕНДЕРТ ОРОЛЦОГЧДОД ӨГӨХ ЗААВАРЧИЛГАА-ны 13.1-т...... зааварчилгааны дагуу бэлтгэх ба холбогдох бүх баримт бичиг нь монгол хэл дээр, гадаадын этгээд худалдан авах ажиллагаанд оролцох эрхтэй бол тэдгээр нь  ТШӨХ-д заасан хэл дээр байна гэсэн заалтыг үндэслэн гадны этгээд тендерийг Англи хэл дээр ирүүлэх тухай заасан заалт болно.

А-1.2 ТОӨЗ 20.2(Г)-т заагдсан...................Тендерийн нээлтийн өмнөх өдрөөр тасалбар болгосон дансны үлдэгдлийн талаарх харилцагч банкны тодорхойлолт, дансны хуулгын хамт ирүүлэх гэсэн заалтны банкны тодорхойлолт, дансны хуулгын хамт ирүүлэх гэсэн заалтны банкны хуулганы эхлэх хугацаа тодорхойгүй байгаа тул хэр хугацаандах гүйлгээний хуулга шаардлагатай болохыг тодорхой болгох

Х-1.2 Тендерийн баримт бичгийн 1-р бүлгийн ТЕНДЕРТ ОРОЛЦОГЧДОД ӨГӨХ ЗААВАРЧИЛГАА-ны ТОӨЗ 20.2(Г)-т бусад гэрээт ажилд ашиглагдах буюу ашиглаж буй хөрөнгө болон энэ гэрээний дагуу хийгдэж болох урьдчилгаа төлбөрийг оролцуулахгүйгээр түргэн хөрвөх чадвартай хөрөнгө болон авах боломжтой зээл нь ТШӨХ-д дурдсан дүнгээс багагүй байх гэсэн заалтын дагуу 2-р бүлгийн ТЕНДЕРИЙН ӨГӨГДЛИЙН ХҮСНЭГТ-ийн ТОӨЗ 20.2(Г)-т Түргэн хөрвөх чадвартай хөрөнгө болон авах боломжтой зээлийн хэмжээ 500,000,000 /Таван зуун сая/ төгрөгөөс багагүй байх гэж заасан. Түргэн хөрвөх чадвартай хөрөнгө болон авах боломжтой зээлийн нийт дүнг 

1. Байгууллагын дансны үлдэгдэл /Харилцагч банкны/ 

2. Арилжааны банкны зээлийн авч болох мөнгөн дүн бүхий зээлийн тодорхойлолт гэсэн 2 шалгуур үзүүлэлтүүдийн аль нэгээр эсвэл [1] болон [2] дахь заалтын нийлбэрээр тус тус тодорхойлно. 

Тодруулга №2

А-2.1 ТОӨЗ 20.2(Г)-т Түргэн хөрвөх чадвартай хөрөнгө болон авах боломжтой зээлийн хэмжээ 500,000,000 /Таван зуун сая/ төгрөгөөс багагүй байх гэж заасан байна. Түргэн хөрвөх чадвартай хөрөнгийн хэмжээ нь 500,000,000 /Таван зуун сая/ төгрөг хүрсэн байгаа тохиолдолд арилжааны банкнаас авч болох зээлийн мөнгөн дүнг заасан тодорхойлолт заавал шаардах эсэх

Х-2.1  Түргэн хөрвөх чадвартай хөрөнгө болон авах боломжтой зээлийн нийт дүнг 1. Байгууллагын дансны үлдэгдэл /Харилцагч банкны/ 2. Арилжааны банкны зээлийн авч болох мөнгөн дүн бүхий зээлийн тодорхойлолт гэсэн 2 шалгуур үзүүлэлтүүдийн аль нэгээр эсвэл [1] болон [2] дахь заалтын нийлбэрээр тус тус тодорхойлно. Иймд тухайн шаардлагын аль нэгийг хангасан байх тохиолдолд шаардлага хангасан гэж үзнэ.

А-2.2 Дансны хуулгыг ямар хугацаагаар гаргаж ирүүлэх буюу эхлэх хугацааны мэдээллийг тодорхой болгож өгнө үү.

Х-2.2 Хэрэв түргэн хөрвөх чадвартай хөрөнгийг байгууллагын дансны хуулгаар нотлох бол Тендерийн нээлтийн өмнөх өдрөөр тасалбар болгосон дансны үлдэгдлийн талаарх харилцагч банкны тодорхойлолт, дансны хуулгын хамт ирүүлэх мөн үлдэгдэл байгааг нотлох дансны хуулгын хамт ирүүлнэ.

Сайн байна уу

"Эрдэнэс-Тавантолгой" ХК-д ЭТТ/201901144 ERP программ хангамж нийлүүлэгчийг сонгох тендер шалгаруулалттай холбоотой шударга өрсөлдөөн хэрэглэгчийн төлөө газарт гаргасан гомдлыг тус газраас хянаад тендер шалгаруулалтыг үргэлжлүүлэн явуулах шийдвэр гаргасан байна. Албан бичгийг хавсралтаас үзнэ үү.

Тендер шалгаруулалтын баримт бичиг болон тендер нээх хугацаанд өөрчлөлт ороогүй болно.

Сайн байна уу?

Тодруулга хүргүүлсэн албан бичгийг татаж үзэх боломжгүй байгаа тул албан бичгийн утгыг тодруулга хэсэгт бичиж оруулна уу.

Сайн байна уу

ERP программ хангамж нийлүүлэгчийг сонгох тендер шалгаруулалтад оролцогч этгээдээс Шударга өрсөлдөөн, хэрэглэгчийн төлөө газарт гомдол гаргасан тул тус газраас тендер шалгаруулалтын материал авах, нээлт хийх үйл ажиллагааг түр түтгэлзүүлсэн болохыг үүгээр мэдэгдэж байна. Шударга өрсөлдөөн, хэрэглэгчийн төлөө газраас ирүүлсэн албан бичгийг хавсралтаас үзнэ үү.